തലക്കുളത്തൂർ
ഗ്രാമ പഞ്ചായത്ത്

    കോഴിക്കോട് ജില്ലയിലെ, കോഴിക്കോട് താലൂക്കില്‍, ചേളന്നൂര്‍ ബ്ളോക്കിലാണ് തലക്കുളത്തൂര്‍ ഗ്രാമപഞ്ചായത്ത് സ്ഥിതി ചെയ്യുന്നത് . നിയമസഭാ മണ്ഡലം എലത്തൂരും ലോകസഭാ മണ്ഡലം കോഴിക്കോടും ആണ്. 2011 സെൻസസ് പ്രകാരം ജനസംഖ്യ 29388 ആണ്. ( 13753 പുരുഷൻമാർ, 15635 സ്ത്രീകൾ).  തലക്കുളത്തൂര്‍ വില്ലേജുപരിധിയിലുള്‍പ്പെടുന്ന തലക്കുളത്തൂര്‍ ഗ്രാമപഞ്ചായത്തിനു 21.54 ചതുരശ്രകിലോമീറ്റര്‍ വിസ്തീര്‍ണ്ണമുണ്ട്. പഞ്ചായത്തിന്റെ അതിരുകള്‍ വടക്കുഭാഗത്ത് അത്തോളി, നന്മണ്ട, കാക്കൂര്‍ പഞ്ചായത്തുകളും, കിഴക്കുഭാഗത്ത് കാക്കൂര്‍, ചേളന്നൂര്‍, കക്കോടി പഞ്ചായത്തുകളും, തെക്കുഭാഗത്ത് എലത്തൂര്‍, കക്കോടി പഞ്ചായത്തുകളും, പടിഞ്ഞാറുഭാഗത്ത് അത്തോളി, ചേമഞ്ചേരി, എലത്തൂര്‍ പഞ്ചായത്തുകളുമാണ്. കോഴിക്കോട് നഗരത്തില്‍ നിന്നും 11 കിലോമീറ്റര്‍ വടക്കുമാറി സ്ഥിതിചെയ്യുന്ന പഞ്ചായത്താണിത്. കിഴക്ക് പട്ടര്‍പാലം, പാവയില്‍ പുഴ, മംഗലം പുഴ, തെക്ക് അകലാപുഴ, പടിഞ്ഞാറ് കോരപ്പുഴ എന്നീ പുഴകളാല്‍ ചുറ്റപ്പെട്ടതാണ്. ഉയര്‍ന്ന പ്രദേശം, ചെങ്കുത്തായ പ്രദേശം, താരതമ്യേന ചെരിഞ്ഞ പ്രദേശം, ഇടത്തരം ചെരിവുള്ള പ്രദേശം, ചെറുചെരിവുള്ള പ്രദേശം,...